Durung Seminggu, Spotify Wis Nduwe Lagu Campur Sari

Sampean mestinya wis podo krungu nak ono aplikasi streaming anyar teko nang Indonesia, jenenge Spotify. Aku yo wis krungu suwe, tapi iki tenanan wis resmi, wis iso dijajal nang laptop lan hp ne sampean.

Tapi wong aku ora seneng lagu londo, senajan ngefans karo Beyonce, iseng-iseng aku njajal paket seng gratisan terus nggolek lagu seng penak nang kupingku. Pas lagi tak obok-obok, walah aku kok nemu seng rumangsaku wis pernah ndelok sadurunge. Jebule tenanan, ono album campur sari! Iyo, ora salah meneh, iki album campur sari neng Spotify.

Ora percoyo? Iki tak upload wujute kanggo sampean kabeh!

Nak sampean perhatekno, nang sebelah kanan nduwur ono logo Spotify, terus model tombole yo podo karo seng ono neng aplikasi Androide. Opo meneh, aku yo download aplikasi resmine seko Play Store. Dadi iki ora bakal keliru, wis resmi ternyata Spotify iku yo seneng karo campur sari koyo awakku.

Seko gambar kuwi sampean lan seng lain iso nemu ono pitu lagu campur sari seng iso didungoke. Paling nduwur ono lagu ketaman asmara, seng nyanyi sopo meneh, yo mesti kang Didi Kempot. Sak ngisore ono lagu Kusumaning Ati, Nurhana. Terus Lingsir Wengi yo Nurhana, terus ono lagu kesenganku, Terminal Tirtonadi seko Kang Didi Kempot. Terus tekan nomor pitu ono judule Madiun – Ngawi.

Durung ono kabar resmi seko Spotify opo bener album campur sari iki bakal nambah opo cukup samono wae. Kudune, wong iki lagi minggu pertama nang Indonesia, karepe bakal ono lagu-lagu campur sari lain seng luwih joss bakal ditambahke. Tapi iko yo wis mantep tenan, iso ngalahke Fatin seng gor nduwe papat lagu, utowo Rizky Febrian seng malah gor nduwe siji judul wae.

Nak wis ngono, Spotify ketoke wis siap nggenteni radio nang warung-warung utowo pangkalan ojek. Utowo kerja sama karo organ tunggal ambi band campur sari nang Indonesia. Ben luwih Joss!

Yes, ini artikel April Mop. Terima kasih telah berpartisipasi membaca posting April Mop kami. Have fun dan sampai jumpa tahun depan! :D